WeBible

1 - В конец, в песнех разума Давиду,

2 - внегда приити Зифеем и рещи Саулови: не се ли, Давид скрыся в нас?

3 - Боже, во имя Твое спаси мя и в силе Твоей суди ми.

4 - Боже, услыши молитву мою, внуши глаголы уст моих:

5 - яко чуждии восташа на мя, и крепцыи взыскаша душу мою, и не предложиша Бога пред собою.

6 - Се бо, Бог помогает ми, и Господь заступник души моей:

7 - отвратит злая врагом моим: истиною Твоею потреби их.

8 - Волею пожру Тебе, исповемся имени Твоему, Господи, яко благо:

9 - яко от всякия печали избавил мя еси, и на враги моя воззре око мое.