WeBible

1 - ISRAEL en inda: Ma Ieowa sota pan kotin ieiang kit,

2 - Ma Ieowa sota pan kotin ieiang kit, ni en aramas akan ar palian kit,

3 - Re pan katala kit ala ni at memaur, ni ar lingarangar kin kit.

4 - Pil akan ap pan kamop kit ala, pilap akan kadupwaledi ngen it.

5 - Pil akan itida melel lao kadupwaledi ngen it.

6 - Kaping ong Ieowa, me sota mueid ong, ngi arail en ter kit pasang!

7 - Ngen it piti sang insar en sauninsar dueta manpir amen; insar ola, a kit pitila.

8 - Sauas pat iei mar en Ieowa, me kotin kapikadar lang o sappa.