WeBible

1 - Siku moja, watoza ushuru na wahalifu wengi walikwenda kumsikiliza Yesu.

2 - Mafarisayo na walimu wa Sheria wakaanza kunung'unika: "Mtazameni mtu huyu! Anawakaribisha wenye dhambi, na tena anakula nao."

3 - Yesu akawajibu kwa mfano:

4 - "Hivi, mtu akiwa na kondoo mia, akigundua kwamba mmoja wao amepotea, atafanya nini? Atawaacha wale tisini na tisa mbugani, na kwenda kumtafuta yule aliyepotea mpaka ampate.

5 - Akimpata, atambeba mabegani kwa furaha.

6 - Anapofika nyumbani, atawaita rafiki zake akiwaambia, <FO>Furahini pamoja nami, kwa sababu nimempata yule kondoo wangu aliyepotea.<Fo>

7 - Kadhalika nawaambieni, ndivyo kutakavyokuwa na furaha mbinguni kwa ajili ya kutubu kwa mwenye dhambi mmoja, kuliko kwa ajili ya watu tisini na tisa wanaojiona kuwa wema, wasiohitaji kutubu.

8 - "Au mwaonaje? Tuseme mwanamke fulani ana sarafu kumi za fedha, akipoteza moja, atafanya nini? Atawasha taa, aifagie nyumba na kuitafuta kwa uangalifu mpaka aipate.

9 - Akiipata, atawaita rafiki na jirani zake akisema, <FO>Furahini pamoja nami, kwa sababu nimeipata ile sarafu yangu iliyopotea.<Fo>

10 - Kadhalika nawaambieni, ndivyo watakavyofurahi malaika wa Mungu kwa sababu ya mwenye dhambi mmoja anayetubu."

11 - Yesu akaendelea kusema, "Kulikuwa na mtu mmoja mwenye wana wawili.

12 - Yule mdogo, alimwambia baba yake: <FO>Baba, nipe urithi wangu.<Fo> Naye akawagawia mali yake.

13 - Baada ya siku chache, yule mdogo aliuza urithi wake, akasafiri na fedha aliyopata, akaenda nchi ya mbali ambako aliitumia ovyo.

14 - Alipomaliza kutumia kila kitu, kukatokea njaa kali katika nchi ile, naye akaanza kuhangaika.

15 - Akaomba kazi kwa mwananchi mtu mmoja wa huko naye akampeleka shambani mwake kulisha nguruwe.

16 - Alitamani kula maganda waliyokula wale nguruwe, ila hakuna mtu aliyempa kitu.

17 - Alipoanza kupata akili akafikiri: <FO>Mbona kuna wafanyakazi wengi wa baba yangu wanaokula na kusaza, nami ninakufa njaa?

18 - Nitarudi kwa baba yangu na kumwambia: Baba, nimemkosea Mungu, na nimekukosea wewe pia.

19 - Sistahili hata kuitwa mwanao. Nifanye kama mmoja wa wafanyakazi wako.<Fo>

20 - Basi, akaanza safari ya kurudi kwa baba yake. Alipokuwa bado yu mbali, baba yake alimwona, na kwa moyo wa huruma alimkimbilia, akamkumbatia na kumbusu.

21 - "Mwanawe akamwambia: <FO>Baba, nimemkosea Mungu, na nimekukosea wewe pia. Sistahili hata kuitwa mwanao.<Fo>

22 - Lakini baba yake akawaambia watumishi wake: <FO>Haraka! Leteni nguo nzuri mkamvike! Mvisheni pete na viatu!

23 - Mchinjeni ndama mnono; tule kusherehekea!

24 - Kwa sababu huyu mwanangu alikuwa amekufa, kumbe yu mzima alikuwa amepotea, lakini sasa amepatikana.<Fo> Wakaanza kufanya sherehe.

25 - "Wakati huo kaka yake alikuwa bado shambani. Alipokuwa akirudi na kukaribia nyumbani akasikia vifijo na ngoma.

26 - Akamwita mmoja wa watumishi, akamwuliza: <FO>Kuna nini?<Fo>

27 - Huyo mtumishi akamwambia: <FO>Ndugu yako amerudi nyumbani, na baba yako amemchinjia ndama mnono kwa kuwa amempata akiwa salama salimini.<Fo>

28 - Huyo kijana mkubwa akawaka hasira hata akakataa kuingia nyumbani. Baba yake akatoka nje na kumsihi aingie.

29 - Lakini yeye akamjibu: <FO>Kumbuka! Miaka yote nimekutumikia, sijavunja amri yako hata mara moja. Umenipa nini? Hujanipa hata mwana mbuzi mmoja nikafanye sherehe pamoja na rafiki zangu!

30 - Lakini mtoto wako huyu aliyekula mali yako pamoja na makahaba, mara tu alipokuja umemchinjia yule ndama mnono.<Fo>

31 - Baba yake akamjibu: <FO>Mwanangu, wewe uko pamoja nami siku zote, na kila nilicho nacho ni chako.

32 - Ilitubidi kufanya sherehe na kufurahi, kwa sababu huyu ndugu yako alikuwa amekufa, kumbe yu mzima; alikuwa amepotea, lakini sasa amepatikana."<Fo>