WeBible

1 - Yesu aliingia mjini Yeriko, akawa anapita katika njia za mji huo.

2 - Kulikuwa na mtu mmoja mjini, jina lake Zakayo ambaye alikuwa mkuu wa watoza ushuru tena mtu tajiri.

3 - Alitaka kuona Yesu alikuwa nani, lakini kwa sababu ya umati wa watu, na kwa vile alikuwa mfupi, hakufaulu.

4 - Hivyo, alitangulia mbio, akapanda juu ya mkuyu ili aweze kumwona Yesu, kwa maana alikuwa apitie hapo.

5 - Basi, Yesu alipofika mahali pale, aliangalia juu akamwambia, "Zakayo, shuka upesi, maana leo ni lazima nishinde nyumbani mwako."

6 - Zakayo akashuka haraka, akamkaribisha kwa furaha.

7 - Watu wote walipoona hayo, wakaanza kunung'unika wakisema, "Amekwenda kukaa kwa mtu mwenye dhambi."

8 - Lakini Zakayo akasimama akamwambia Yesu, "Sikiliza Bwana! Mimi nitawapa maskini nusu ya mali yangu, na kama nimenyang'anya mtu yeyote kitu, nitamrudishia mara nne."

9 - Yesu akamwambia, "Leo wokovu umefika katika nyumba hii, kwa vile huyu pia ni wa ukoo wa Abrahamu.

10 - Kwa maana Mwana wa Mtu amekuja kutafuta na kuokoa waliopotea."

11 - Wakati watu walipokuwa bado wanasikiliza hayo, Yesu akawaambia mfano. (Hapo alikuwa anakaribia Yerusalemu, na watu wale walidhani kwamba muda si muda, Ufalme wa Mungu ungefika.)

12 - Hivyo akawaambia, "Kulikuwa na mtu mmoja wa ukoo wa kifalme aliyefanya safari kwenda nchi ya mbali ili apokee madaraka ya ufalme, halafu arudi.

13 - Basi, kabla ya kuondoka aliwaita watumishi wake kumi, akawapa kiasi cha fedha kila mmoja na kumwambia: <FO>Fanyeni nazo biashara mpaka nitakaporudi.<Fo>

14 - Lakini wananchi wenzake walimchukia na hivyo wakatuma wajumbe waende wakaseme: <FO>Hatumtaki huyu atutawale.<Fo>

15 - "Huyo mtu mashuhuri alirudi nyumbani baada ya kufanywa mfalme, na mara akaamuru wale watumishi aliowapa zile fedha waitwe ili aweze kujua kila mmoja amepata faida gani.

16 - Mtumishi wa kwanza akatokea, akasema: <FO>Mheshimiwa, faida iliyopatikana ni mara kumi ya zile fedha ulizonipa.<Fo>

17 - Naye akamwambia: <FO>Vema; wewe ni mtumishi mwema. Kwa kuwa umekuwa mwaminifu katika jambo dogo, utakuwa na madaraka juu ya miji kumi!<Fo>

18 - Mtumishi wa pili akaja, akasema: <FO>Mheshimiwa, faida iliyopatikana ni mara tano ya zile fedha ulizonipa.<Fo>

19 - Naye akamwambia pia: <FO>Nawe utakuwa na madaraka juu ya miji mitano.<Fo>

20 - "Mtumishi mwingine akaja, akasema: <FO>Chukua fedha yako; niliificha salama katika kitambaa,

21 - kwa maana niliogopa kwa sababu wewe ni mtu mkali. Wewe ni mtu ambaye huchukua yasiyo yako, na huchuma ambacho hukupanda.<Fo>

22 - Naye akamwambia: <FO>Nakuhukumu kutokana na msemo wako, ewe mtumishi mbaya! Ulijua kwamba mimi ni mtu mkali, ambaye huchukua yasiyo yangu na kuchuma nisichopanda.

23 - Kwa nini basi, hukuiweka fedha yangu benki, nami ningeichukua pamoja na faida baada ya kurudi kwangu?<Fo>

24 - Hapo akawaambia wale waliokuwa pale: <FO>Mnyang'anyeni hizo fedha, mkampe yule aliyepata faida mara kumi.<Fo>

25 - Nao wakamwambia: <FO>Lakini Mheshimiwa, huyo ana faida ya kiasi hicho mara kumi!<Fo>

26 - Naye akawajibu: <FO>Kila aliye na kitu atapewa na kuzidishiwa. Lakini yule asiye na kitu, hata kile alicho nacho kitachukuliwa.

27 - Na sasa, kuhusu hao maadui wangu ambao hawapendi niwe mfalme wao, waleteni hapa, mkawaue papa hapa mbele yangu."<Fo>

28 - Yesu alisema hayo, kisha akatangulia mbele yao kuelekea Yerusalemu.

29 - Alipokaribia kufika Bethfage na Bethania, karibu na mlima wa Mizeituni, aliwatuma wanafunzi wake wawili,

30 - akawaambia: "Nendeni katika kijiji kilicho mbele yenu. Mtakapokuwa mnaingia kijijini, mtamkuta mwana punda amefungwa ambaye hajatumiwa na mtu. Mfungeni, mkamlete hapa.

31 - Kama mtu akiwauliza, kwa nini mnamfungua, mwambieni, <FO>Bwana ana haja naye."<Fo>

32 - Basi, wakaenda, wakakuta sawa kama alivyowaambia.

33 - Walipokuwa wanamfungua yule mwana punda, wenyewe wakawauliza, "Kwa nini mnamfungua mwana punda huyu?"

34 - Nao wakawajibu, "Bwana anamhitaji."

35 - Basi, wakampelekea Yesu yule mwana punda. Kisha wakatandika mavazi yao juu yake wakampandisha Yesu.

36 - Yesu akaendelea na safari, na watu wakatandaza mavazi yao barabarani.

37 - Alipofika karibu na Yerusalemu, katika mteremko wa mlima wa Mizeituni, umati wote na wanafunzi wake, wakaanza kushangilia na kumtukuza Mungu kwa sauti kubwa, kwa sababu ya mambo makuu waliyoyaona;

38 - wakawa wanasema: "Abarikiwe Mfalme ajaye kwa jina la Bwana. Amani mbinguni, na utukufu juu mbinguni!"

39 - Hapo baadhi ya Mafarisayo waliokuwako katika lile kundi la watu, wakamwambia Yesu, "Mwalimu, wanyamazishe wanafunzi wako!"

40 - Yesu akawajibu, "Nawaambieni, kama hawa wakinyamaza, hakika hayo mawe yatapaza sauti."

41 - Alipokaribia zaidi na kuuona ule mji, Yesu aliulilia

42 - akisema: "Laiti ungelijua leo hii yale yaletayo amani! Lakini sasa yamefichika machoni pako.

43 - Maana siku zaja ambapo adui zako watakuzungushia maboma, watakuzingira na kukusonga pande zote.

44 - Watakupondaponda wewe pamoja na watoto wako ndani ya kuta zako; hawatakuachia hata jiwe moja juu jingine, kwa sababu hukuutambua wakati Mungu alipokujia kukuokoa."

45 - Kisha, Yesu aliingia Hekaluni, akaanza kuwafukuzia nje wafanyabiashara

46 - akisema, "Imeandikwa: <FO>Nyumba yangu itakuwa nyumba ya sala<Fo>; lakini ninyi mmeifanya kuwa pango la wanyang'anyi."

47 - Yesu akawa anafundisha kila siku Hekaluni. Makuhani wakuu, walimu wa Sheria na viongozi wa watu walitaka kumwangamiza,

48 - lakini hawakuwa na la kufanya, maana watu wote walikuwa wakimsikiliza kwa makini kabisa.