WeBible

1 - Yesu alisema nao tena kwa kutumia mifano:

2 - "Ufalme wa mbinguni umefanana na mfalme aliyemwandalia mwanawe karamu ya arusi.

3 - Basi, akawatuma watumishi kuwaita walioalikwa waje arusini, lakini walioalikwa hawakutaka kufika.

4 - Akawatuma tena watumishi wengine, akisema, <FO>Waambieni wale walioalikwa: karamu yangu iko tayari sasa; fahali wangu na ng'ombe wanono wamekwisha chinjwa; kila kitu ni tayari, njoni arusini.<Fo>

5 - Lakini wao hawakujali, wakaenda zao; mmoja shambani kwake, mwingine kwenye shughuli zake,

6 - na wengine wakawakamata wale watumishi wakawatukana, wakawaua.

7 - Yule mfalme akakasirika, akawatuma askari wake wakawaangamize wauaji hao na kuuteketeza mji wao.

8 - Kisha akawaambia watumishi wake: <FO>Karamu ya arusi iko tayari kweli, lakini walioalikwa hawakustahili.

9 - Basi, nendeni kwenye barabara na wowote wale mtakaowakuta waiteni waje arusini.<Fo>

10 - Wale watumishi wakatoka, wakaenda njiani, wakawaleta watu wote, wabaya na wema. Nyumba ya arusi ikajaa wageni.

11 - "Mfalme alipoingia kuwaona wageni, akamwona mtu mmoja ambaye hakuvaa mavazi ya arusi.

12 - Mfalme akamwuliza, <FO>Rafiki, umeingiaje hapa bila vazi la arusi?<Fo> Lakini yeye akakaa kimya.

13 - Hapo mfalme akawaambia watumishi, <FO>Mfungeni miguu na mikono mkamtupe nje gizani; huko atalia na kusaga meno."<Fo>

14 - Yesu akamaliza kwa kusema, "Wengi wamealikwa, lakini wachache wameteuliwa."

15 - Kisha, Mafarisayo wakaenda zao, wakashauriana jinsi ya kumnasa Yesu kwa maneno yake.

16 - Basi, wakawatuma wafuasi wao pamoja na wafuasi wa kikundi cha Herode. Wakamwuliza, "Mwalimu, tunajua kwamba wewe ni mtu mwaminifu, na kwamba wafundisha njia ya Mungu kwa uaminifu; humwogopi mtu yeyote, maana cheo cha mtu si kitu kwako.

17 - Haya, twambie maoni yako. Je, ni halali au la, kulipa Kaisari?"

18 - Lakini Yesu alitambua uovu wao, akawaambia, "Enyi

19 - Nionyesheni fedha ya kulipia kodi." Nao wakamtolea sarafu ya fedha. sarafu ya fedha.

20 - Basi, Yesu akawauliza, "Sura na chapa hii ni ya nani?"

21 - Wakamjibu, "Ni vya Kaisari." Hapo Yesu akawaambia, "Basi, mpeni Kaisari yaliyo yake Kaisari, na Mungu yaliyo yake Mungu."

22 - Waliposikia hivyo wakashangaa; wakamwacha, wakaenda zao.

23 - Siku hiyo, baadhi ya Masadukayo walimwendea Yesu. Hao ndio wale wasemao kwamba wafu hawafufuki.

24 - Basi, wakamwambia, "Mwalimu, Mose alisema mtu aliyeoa akifa bila kuacha watoto, lazima ndugu yake amwoe huyo mama mjane, amzalie ndugu yake watoto.

25 - Sasa, hapa petu palikuwa na ndugu saba. Wa kwanza alioa kisha akafa bila kujaliwa watoto, akamwachia ndugu yake huyo mke wake mjane.

26 - Ikawa vivyo hivyo kwa ndugu wa pili, na wa tatu, mpaka wa saba.

27 - Baada ya ndugu hao wote kufa, akafa pia yule mama.

28 - Je, siku wafu watakapofufuka mama huyo atakuwa mke wa nani miongoni mwa wale ndugu saba? Maana Wote saba walimwoa."

29 - Yesu akawajibu, "Kweli mmekosea kwa sababu hamjui Maandiko Matakatifu wala nguvu ya Mungu!

30 - Maana wafu watakapofufuliwa hawataoa wala kuolewa, watakuwa kama malaika mbinguni.

31 - Lakini kuhusu suala la wafu kufufuka, hamjasoma yale aliyowaambieni Mungu?

32 - Aliwaambia, <FO>Mimi ni Mungu wa Abrahamu, Isaka na Yakobo!<Fo> Basi, yeye si Mungu wa wafu, bali ni Mungu wa walio hai."

33 - Ule umati wa watu uliposikia hivyo ukayastaajabia mafundisho yake.

34 - Mafarisayo waliposikia kwamba Yesu alikuwa amewanyamazisha Masadukayo, wakakutana pamoja.

35 - Mmoja wao, mwanasheria, akamwuliza Yesu kwa kumjaribu,

36 - "Mwalimu, ni amri ipi iliyo kuu katika Sheria ya Mose?"

37 - Yesu akamjibu, "<FO>Mpende Bwana Mungu wako kwa moyo wako wote, kwa roho yako yote na kwa akili yako yote.<Fo>

38 - Hii ndiyo amri kuu ya kwanza.

39 - Ya pili inafanana na hiyo: <FO>Mpende jirani yako kama unavyojipenda wewe mwenyewe.<Fo>

40 - Sheria yote ya Mose na mafundisho ya manabii vinategemea amri hizi mbili."

41 - Mafarisayo walipokusanyika pamoja, Yesu aliwauliza,

42 - "Ninyi mwaonaje juu ya Kristo? Je, ni mwana wa nani?" Wakamjibu, "Wa Daudi."

43 - Yesu akawaambia, "Basi, inawezekanaje kwamba kwa nguvu ya Roho Mtakatifu Daudi anamwita yeye Bwana? Maana alisema:

44 - <FO>Bwana alimwambia Bwana wangu: keti upande wangu wa kulia, mpaka niwaweke adui zako chini ya miguu yako.<Fo>

45 - Basi, ikiwa Daudi anamwita Kristo <FO>Bwana,<Fo> anawezaje kuwa mwanawe?"

46 - Hakuna mtu yeyote aliyeweza kumjibu neno. Na tangu siku hiyo hakuna aliyethubutu tena kumwuliza swali.