Alleluja. Laudate Dominum in sanctis ejus ; laudate eum in firmamento virtutis ejus.

Laudate eum in virtutibus ejus ; laudate eum secundum multitudinem magnitudinis ejus.

Laudate eum in sono tubæ ; laudate eum in psalterio et cithara.

Laudate eum in tympano et choro ; laudate eum in chordis et organo.

Laudate eum in cymbalis benesonantibus ; laudate eum in cymbalis jubilationis.

Omnis spiritus laudet Dominum ! Alleluja.